ਜੌਆਏ ਸਟਿਕ ਸਰੋਤ : ਕੰਪਿਊਟਰ ਵਿਗਿਆਨ, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

Joystick

ਜੌਆਏ ਸਟਿਕ ਇਕ ਇਨਪੁਟ ਯੰਤਰ ਹੈ। ਇਸ ਦੀ ਵਰਤੋਂ ਕੰਪਿਊਟਰ ਖੇਡਾਂ (Games) ਖੇਡਣ ਲਈ ਕੀਤੀ ਜਾਂਦੀ ਹੈ। ਇਹ ਇਕ ਬਹੁ-ਦਿਸ਼ਾਵੀ (Multidirectional) ਪੌਆਇੰਟਿੰਗ ਯੰਤਰ ਹੈ। ਇਸ ਵਿੱਚ ਇਕ ਛੜੀ (ਸਟਿੱਕ) ਲੱਗੀ ਹੁੰਦੀ ਹੈ। ਇਸ ਦੀ ਵਰਤੋਂ ਸਕਰੀਨ ਉੱਤੇ ਨਜ਼ਰ ਆਉਣ ਵਾਲੇ ਕਰਸਰ ਨੂੰ ਚਾਰੋ ਦਿਸ਼ਾਵਾਂ ਵਿੱਚ ਸਰਕਾਉਣ ਲਈ ਕੀਤੀ ਜਾਂਦੀ ਹੈ। ਇਸ ਦੀ ਵਰਤੋਂ ਵੀਡੀਓ ਗੇਮਾਂ ਖੇਡਣ ਤੋਂ ਲੈ ਕੇ ਰੋਬੋਟ ਜਾਂ ਹਵਾਈ ਜਹਾਜ਼ ਨੂੰ ਨਿਯੰਤ੍ਰਣ ਕਰਨ ਲਈ ਕੀਤੀ ਜਾ ਸਕਦੀ ਹੈ। ਕੈਡ (CAD) ਅਰਥਾਤ ਕੰਪਿਊਟਰ ਏਡਿਡ ਡਿਜ਼ਾਈਨ (Computer Aided Design) ਵਿੱਚ ਇਸ ਦੀ ਵਰਤੋਂ ਲਾਹੇਵੰਦ ਸਾਬਤ ਹੋਈ ਹੈ।